راکھی ساونت نے شادی کی پیشکش کرنے والے پاکستانی اداکار کیساتھ پاک بھارت میچ دیکھا؛ ویڈیو وائرل

راکھی ساونت نے پاک بھارت میچ کے حوالے سے ایک بڑا دعویٰ بھی کیا تھا
ویب ڈیسک | February 24, 2025

راکھی ساونت پاک بھارت میچ دبئی میں دودی خان کے ساتھ دیکھا

بھارتی اداکارہ راکھی ساونت نے چیمپئنز ٹرافی 2025 کے سنسنی خیز مقابلے پاک بھارت میچ ایک پاکستانی اداکار کے ساتھ دبئی میں دیکھا۔

گزشتہ ایک ماہ سے اپنی شادی کے متضاد دعوؤں کے ساتھ خبروں میں رہنے والی بھارتی اداکارہ راکھی ساونت نے اپنی کچھ ویڈیوز وائرل کی ہیں۔

سوشل میڈیا پر وائرل کی گئی ان ویڈیوز میں راکھی ساونت کو شادی کی پیشکش کرنے والے پاکستانی اداکار دودی خان کے ساتھ اسٹیڈیم میں پاک بھارت میچ دیکھتے دکھائی دی گئیں۔

وائرل ویڈیو میں راکھی ساونت نے ویرات کوہلی کی عمدہ پرفامرنس اور ہاردیک پانڈیا کی مایوس کارکردگی پر دلچسپ تبصرہ بھی کیا۔

راکھی ساونت نے کہا کہ اداکارہ انوشکا شرما ویرات کوہلی کے لیے خوش قسمتی کا ستارہ ثابت ہوئی ہیں۔ وہ جب سے ویرات کوہلی کی زندگی میں آئیں، قسمت مہربان ہے۔

اداکارہ راکھی ساونت نے ہاردیک پانڈیا کی میچ میں مایوس کن کارکردگی پر کہا کہ فاسٹ باؤلر سے قسمت ان کی سابقہ اہلیہ کی طرح رُوٹھ گئی ہے۔

ان ویڈیوز میں پاکستانی اداکاری دودی خان کو اپنی ٹیم کے میچ میں واپس آنے کا انتظار کرتے دیکھا گیا وہ آخری بال تک منتظر رہے کہ اب قومی ٹیم پانسہ پلٹ دے گی۔

 

Load Next Story

FOLLOW US

express.pk خبروں اور حالات حاضرہ سے متعلق پاکستان کی سب سے زیادہ وزٹ کی جانے والی ویب سائٹ ہے۔ اس ویب سائٹ پر شائع شدہ تمام مواد کے جملہ حقوق بحق ایکسپریس میڈیا گروپ محفوظ ہیں۔