کراچی: اعظم بستی میں میڈیکل اسٹور پر ڈکیتی، مزاحمت پر ڈاکوؤں کی فائرنگ کی ویڈیو وائرل

ڈسٹرکٹ ایسٹ کے علاقے محمود آباد اعظم بستی میں میڈیکل اسٹور پر ڈاکوؤں کے 4 رکنی گروہ کی لوٹ مار ، مزاحمت پر دکاندار کو تشدد کا نشانہ بنانے اور اس پر گولیاں چلانے کی ویڈیو سوشل میڈیا پر وائرل ہوگئی۔

ویڈیو میں دیکھا جا سکتا کہ 2 موٹر سائیکلوں پر سوار 4 ڈاکو جو کہ چہرے پر ماسک لگائے اور پی کیپ پہنے ہوئے تھے اعظم بستی ڈبل روڈ پر قائم میڈیکل اسٹور پر آتے ہیں اور اسلحے کے زور پر دکانداروں کو یرغمال بنا کر دکان پر موجود گاہک سے پرس چھین لیتے ہیں۔

چاروں ڈاکو دکان کے سامنے کھڑی ہوئی 2 موٹر سائیکلوں پر بیٹھ کر فرار ہوگئے جبکہ فوٹیجز میں ڈاکوؤں کے چہرے بھی واضح طور پر دکھائی دے رہے ہیں جبکہ میڈیکل اسٹور پر واردات جمعے کی دوپہر میں ہوئی تھی۔