الیکشن کمیشن نے خیبرپختونخوا کی مخصوص نشست کا محفوظ فیصلہ سنادیا

الیکشن کمیشن آف پاکستان نے خیبر پختون خواہ کی مخصوص نشست سے متعلق محفوظ شدہ فیصلہ سنا دیا جس کے تحت ن لیگ کی ایک نشست میں اضافہ ہوگیا جبکہ جے یو آئی سے سیٹ واپس لے لی گئی ہے۔

ایکسپریس نیوز کے مطابق الیکشن کمیشن نے مخصوص نشستوں سے متعلق تقسیم کا فیصلہ جاری کردیا، جس کے مطابق ن لیگ کو خیبرپختونخوا اسمبلی میں مزید ایک مخصوص نشست مل گئی ہے۔

الیکشن کمیشن نے جے یو آئی سے مخصوص نشست واپس لے لی۔ تحریری فیصلے میں لکھا گیا ہے کہ خیبرپختونخوا اسمبلی میں ن لیگ اور جے یو آئی کو 9 ، 9 نشتیں مل گئی ہیں۔ 

اس کے علاوہ پی ٹی آئی پی اور اے این پی کی ایک ایک اضافی نشست ملی ہے۔

فیصلے میں لکھا گیا ہے کہ ضمنی انتخاب میں حاصل نشست کو مخصوص نشستوں کے کوٹے کیلئے شمار نہیں کیا جا سکتا۔