غزہ میں اسرائیل اور امریکی حمایت یافتہ امدادی مرکز پر بھگدڑ؛ 20 فلسطینی کچل کر جاں بحق

19 אנשים נרמסו למוות במלכודת המוות שהקימה ישראל באמצעות שכירי חרב אמריקאים. מאות אנשים מורעבים נורו למוות באיזור הזה כשעמדו לתור לחלוקת מזון מינימלי. פשע מוסרי מתמשך

. 19 people were trampled to death in the death trap set up by Israel using American mercenaries. Hundreds of… pic.twitter.com/CHYfA1Cshy

ادھر غزہ ہیومینیٹیرین فاؤنڈیشن کی جانب سے بیان میں کہا گیا ہے کہ حماس کے مسلح جنگجوؤں نے امدادی مرکز پر جمع ہجوم کو جان بوجھ کر اکسایا۔ جس کے نتیجے میں بھگدڑ مچ گئی۔

بیان میں مزید کہا گیا ہے کہ غلط معلومات، خاص طور پر ٹیلیگرام پر پھیلنے والی جعلی خبروں نے حالات بگاڑے اور گنجائش سے زیادہ تعداد میں لوگ امداد لینے جمع ہوگئے۔

دوسری جانب حماس کے زیرِ انتظام محکمہ صحت نے بتایا کہ زیادہ تر افراد دم گھٹنے سے جاں بحق ہوئے، کیونکہ امداد کے لیے آئے ہوئے لوگوں کی بڑی تعداد کو ایک تنگ جگہ پر کھڑے رہنے پر مجبور کیا گیا تھا۔

اسرائیل کے عرب رکنِ پارلیمان احمد طیبی نے ایک ویڈیو شیئر کرتے ہوئے اسرائیل اور امریکی کنٹریکٹرز پر الزام لگایا کہ انہوں نے بھوک سے نڈھال لوگوں کو خوراک کا جھانسا دیکر اپنے جال میں پھنسایا۔

خیال رہے کہ امدادی تنظیم GHF خان یونس میں امریکا اور اسرائیل کے تعاون سے کام کر رہی ہے اور اس مرکز پر انسانی حقوق کی تنظیموں اور عالمی اداروں نے شدید خدشات کا اظہار کیا ہے۔

گزشتہ روز اقوام متحدہ کے انسانی حقوق کے دفتر سے جاری بیان میں کہا گیا ہے کہ 6 ہفتوں کے دوران غزہ میں امریکا اور اسرائیل کی حمایت یافتہ تنظیم ہیومینیٹیرین فاؤنڈیشن کے امدادی مراکز میں اب تک 875 فلسطینی جاں بحق ہوچکے ہیں۔

علاوہ ازیں کم از کم 201 افراد دیگر مقامات پر امداد حاصل کرنے کی کوششوں کے دوران بھی ہلاک ہوگئے۔ اس طرح مجموعی تعداد 1100 کے قریب پہنچ گئی۔