اسکاٹ بولینڈ 100 برس کے بہترین بولر مگر سب سے بدقسمت کرکٹر

آسٹریلوی فاسٹ بولر اسکاٹ بولینڈ نے ویسٹ انڈیز کے خلاف حالیہ سیریز میں تہلکہ مچانے والی پرفارمنس کے ساتھ یہ ثابت کر دیا ہے کہ وہ بہترین اوسط کی وجہ سے پچھلے 100 برسوں میں ٹیسٹ کرکٹ کے سب سے بہترین بولر ہیں۔

اسکاٹ بولینڈ اپنی شاندار کارکردگی کے باوجود ایک بدقسمت کھلاڑی بھی رہے ہیں۔

ویسٹ انڈیز سے سیریز کے تیسرے ٹیسٹ میں بولینڈ نے ہیٹ ٹرک کا کارنامہ انجام دیا، وہ یہ کارنامہ انجام دینے والے دسویں آسٹریلوی بولر بنے، بولینڈ کا ٹیسٹ بولنگ اوسط 16.53 ہے، جو کم از کم 50 وکٹیں لینے والے بولرز میں سے چھٹا بہترین ہے۔

اس کے ساتھ یہ بھی ایک حقیقت ہے کہ وہ اب تک محض 14 ٹیسٹ میچز ہی کھیل پائے ہیں، انھیں آسٹریلیا کے مضبوط اور مستقل اٹیک میں شامل کسی بولر کے انجرڈ یا عدم دستیابی پر موقع ملتا ہے۔

ویسٹ انڈیز میں بہترین کارکردگی کے باوجود یہ بات یقین سے نہیں کہی جا سکتی کہ انھیں اپنے ملک میں ایشز سیریز کھیلنے کا موقع ملتا ہے یا نہیں۔