جنگ بندی کی نہ رافیل طیارے گرے؛ مودی میں ہمت ہے تو ٹرمپ کو جھوٹا کہہ دیں؛ راہول گاندھی
امریکی دباؤ پر پاکستان سے جنگ بندی کرنے اور رافیل طیاروں کی تباہی پر سچ بولیں؛ راہول کا مودی سے مطالبہ
بھارت میں اپوزیشن رہنما راہول گاندھی نے لوک سبھا میں اپنی دھواں دھار تقریر میں مودی اور ان کی حکومت کے بے سر وپا دعوؤں کے پرخچے اُڑا کر رکھ دیے۔
بھارتی میڈیا کے مطابق راہول گاندھی نے کہا کہ اگر آپ نے کوئی جنگ بندی نہیں کی اور پاک فضائیہ نے بھارت کے طیارے نہیں گرائے تو آپ لوک سبھا میں کھڑے ہو کر کہیں کہ ٹرمپ جھوٹ بول رہے ہیں۔
لوک سبھا میں وزیر اعظم نریندر مودی کو آڑے ہاتھوں لیتے ہوئے راہول گاندھی نے مزید کہا کہ اگر آپ میں ہمت ہے تو ابھی پارلیمان میں کھڑے ہوکر امریکی صدر کے بیان کی تردید کریں۔
"If you (Modi) say, US President @realDonaldTrump is lying, Then let PM Modi tell that here inside the parliament that Trump is a liar. If PM Modi has the courage of Indira Gandhi, then let him say here in Lok Sabha that you Donald Trump, are a liar and you did not make us… pic.twitter.com/ry503H1SpK
راہول گاندھی نے مزید کہا کہ اگر مودی میں اندرا گاندھی جیسی جرات ہے تو وہ حقیقت بیان کریں اور قوم کو گمراہ کرنے کے بجائے پاکستان کے ساتھ جنگ میں جو ہوا ہے وہ سچ سچ بتائیں۔
خیال رہے کہ لوک سبھا کے اجلاس میں ارکان اسمبلی نے مودی سرکار کے نام نہاد ’’آپریشن سندور‘‘ کی قلعی کھول کر رکھ دی۔
مزید پڑھیں : بھارتی وزیر داخلہ کا مضحکہ خیز دعویٰ؛ پہلگام میں حملہ آوروں سے پاکستانی چاکلیٹ ملی تھی
اپوزیشن ارکان اسمبلی نے وزیر اعظم مودی کو پاکستان سے جنگ میں جانی اور مالی نقصان کو چھپانے، حقائق بتانے سے گریز کرنے، ناکام حکمت عملی، اور عالمی سطح پر بھارت کی ساکھ متاثر کرنے پر آڑے ہاتھوں لیا ہے۔
یاد رہے کہ امریکی صدر ٹرمپ نے ایک بار پھر اس بات کو دہرایا ہے کہ انھوں نے پاک بھارت جنگ کو رکوایا۔
تاہم مودی سرکار نے ٹرمپ کے اس دعوے کو مسترد کرتے ہوئے کہا ہے کہ امریکی ثالثی نہیں بلکہ ڈی جی ایم اوز کی میٹنگ میں جنگ بندی ہوئی تھی۔