عالمی منظر نامہ کتنا ہی بدل جائے پاک چین دوستی ہمیشہ سے مستحکم اور مضبوط ہے؛ چین
چینی وزیر خارجہ وانگ ژی نے اپنے دورے میں وزیراعظم شہباز شریف اور اعلیٰ قیادت سے اسلام آباد میں ملاقات کی تھی
چین نے ایک مرتبہ پھر واضح کیا ہے کہ عالمی سیاست اور بدلتے منظرنامے کے باوجود پاکستان اور چین کی دوستی اٹل اور ناقابلِ شکست رہی ہے۔
چینی وزارتِ خارجہ کے ترجمان لین جیان کی جانب سے جاری بیان میں کہا گیا کہ چین ہمیشہ سے پاکستان قابلِ بھروسہ شراکت دار اور مشکل وقت کا سب سے بڑا حامی رہا ہے۔
ترجمان نے مزید کہا کہ پاکستان اور چین کے درمیان تعلقات صرف سرکاری سطح تک محدود نہیں بلکہ یہ عوام کے دلوں میں گہرے جذبے کے طور پر رچ بس گئے ہیں۔
خیال رہے کہ یہ بیان حال ہی میں چین کے وزیرِ خارجہ وانگ ژی کے پاکستان کے دورے کے بعد سامنے آیا ہے۔
Chinese FM Wang Yi met with Pakistani PM Shehbaz Sharif in Islamabad.
No matter how the international landscape may evolve, the traditional friendship between #China and #Pakistan remains unshakable and unbreakable. China has always been the most reliable partner and strongest… pic.twitter.com/z9CRObHbpfوانگ ژی نے اسلام آباد میں وزیراعظم شہباز شریف، نائب وزیراعظم و وزیرِ خارجہ اسحاق ڈار اور فیلڈ مارشل سید عاصم منیر سے ملاقاتیں کی تھیں۔
ان ملاقاتوں میں سی پیک منصوبوں کی تیز رفتاری سے تکمیل، دفاعی تعاون اور علاقائی استحکام پر تفصیلی بات چیت ہوئی۔
وانگ ژی نے بھی اپنی گفتگو میں کہا تھا کہ پاکستان اور چین کے تعلقات صرف مضبوط اور مستحکم ہی نہیں بلکہ وقت کے ہر امتحان پر پورے اترے ہیں۔