کراچی: ناتھا خان پل پر ایک مرتبہ پھر گڑھا پڑ گیا

شہر قائد کی سب سے اہم اورمصروف ترین شارع فیصل ناتھا خان پل پرایک مرتبہ پھر گڑھا پڑگیا۔

گڑھا پڑنے کی وجہ سے ڈرگ روڈ انڈر بائی پاس سے ایئرپورٹ جانے والی سڑک کا ایک ٹریک متاثر ہوا ہے، ناتھا خان پل پر گڑھے کی نشاندہی کے لیے رکاوٹ رکھ دی گئی ہے۔

یاد رہے کہ اس سے قبل بھی گزشتہ ماہ ناتھا خان پل پر گڑھا پڑ گیا تھا اور کئی روز ڈرگ روڈ انڈربائی پاس سے ایئر پورٹ جانے والی سڑک کا ایک ٹریک متاثررہا جس کے باعث شہریوں کو شام کے اوقات میں شدید پریشانی کا سامنا کرنا پڑا تھا۔