فیصل آباد: ایتھوپیا وزٹ ویزے کی آڑ میں یورپ جانے کی کوشش ناکام، تین مسافر گرفتار
تعلق منڈی بہاء الدین، گجرانوالہ اور بھمبر سے ہے، تینوں کو لیبیا سے غیر قانونی طور پر سمندر کے راستے یورپ جانا تھا
لاہور:
ایتھوپیا وزٹ ویزے کی آڑ میں سمندر کے راستے غیر قانونی طور پر یورپ جانے کی کوشش ناکام ہوگئی، ایف آئی اے امیگریشن فیصل آباد نے تین مسافروں کو آف لوڈ کرکے حراست میں لے لیا۔
ترجمان ایف آئی اے کے مطابق مسافروں میں عاطف شفیق، محمد سفیان اور عبدالرحمان شامل ہیں، مسافر فلائٹ نمبر FZ-356 کے ذریعے وزٹ ویزے پر ایتھوپیا جا رہے تھے، مسافروں کا تعلق منڈی بہاء الدین، گجرانوالہ اور بھمبر سے ہے۔
ایف آئی اے کے مطابق امیگریشن کلیئرنس کے دوران مسافروں کو مشکوک پایا گیا، مسافروں کو ایتھوپیا وزٹ ویزے کی آڑ میں لیبیا جانا تھا بعد ازاں لیبیا سے غیر قانونی سمندر کے راستے یورپ جانا تھا۔
ترجمان ایف آئی اے کے مطابق ایجنٹوں کی نشاندہی کیلئے مسافروں کو کمپوزٹ سرکل فیصل آباد منتقل کر دیا گیا۔