ملیر ندی میں سے نوجوان کی لاش برآمد
متوفی کی شناخت 18 سالہ سعید کے نام سے کی گئی
(فوٹو: فائل)
باغ کورنگی کے قریب ملیر ندی میں سے نوجوان کی لاش ملی جو ڈوب کر جاں بحق ہوگیا۔
اطلاع پر پولیس نے موقع پر پہنچ کر چھیپا کے رضا کاروں کی مدد سے لاش نکال کر ضابطے کی کارروائی کے لیے جناح اسپتال پہنچائی۔
ریسکیو حکام کا کہنا ہے کہ متوفی کی شناخت 18 سالہ سعید کے نام سے کی گئی جبکہ فوری طور پر ندی میں ڈوب کر جاں بحق ہونے کے حوالے سے تعین نہیں ہو سکا کہ نوجوان نہاتے ہوئے ڈوبا یا اتفاقیہ طور پر گر گیا تھا۔
تاہم، پولیس اس حوالے سے مزید معلومات حاصل کر رہی ہے۔