ڈی آئی خان؛ سیکیورٹی فوسرز کے سرچ آپریشن کے دوران 2دہشتگرد ہلاک

ڈیرہ اسماعیل خان کی تحصیل کلاچی کے گاﺅں گرہ جہان خانی میں سیکیورٹی فوسرز کے ساتھ فائرنگ کے تبادلے میں دو دہشت گرد ہلاک ہوگئے۔

پولیس کے مطابق دہشت گردوں اور سیکورٹی فورسز کے مابین فائرنگ کے تبادلے کے دوران دھماکا بھی ہوا۔

سیکیورٹی فورسز کے سرچ آپریشن کے دوران دہشت گردوں نے فائرنگ کر دی، فائرنگ کے تبادلے میں 2 دہشتگرد ہلاک ہوگئے۔

ہلاک دہشت گردوں کی شناخت خیام اور دلاور کے نام سے ہوئی، ہلاک دونوں دہشتگردوں کا تعلق تحصیل کلاچی سے تھا۔

سیکیورٹی فورسز علاقے کو کلیئر کر رہی ہیں۔