تین ملکی انڈر 19 ون ڈے سیریز : پاکستان اور زمبابوے کا میچ بارش کی نظر
پاکستان اور زمبابوے کے درمیان کھیلا جانے والا انڈر 19 سہ ملکی سیریز کا تیسرا میچ بارش کی نظر ہوگیا، پاکستان نے جیت کیلیے 355 رنز کا ہدف دیا تھا۔
ہرارے اسپورٹس کمپلیکس میں کھیلے جارہے میچ میں زمبابوے نے ٹاس جیت کر پاکستان کو پہلے بیٹنگ کرنے کی دعوت دی۔
پاکستان نے سمیر منہاس (142) اور عثمان خان (121) کی شاندار سنچریز کی بدولت مقررہ 50 اوورز میں 7 وکٹوں کے نقصان پر 354 رنز بنائے۔ حذیفہ احسن نے 54 رنز کی اننگز کھیلی۔
زمبابوے کی جانب سے کربی مدھارامیتے نے 3، پناشی مزئی نے 2 بینی زوزی اور دھروو پٹیل نے ایک ایک وکٹ حاصل کی۔
💯 Centuries from Sameer Minhas and Usman Khan power Pakistan U19 to 354-7 in 50 overs 🏏#PakistanFutureStars | #PAKvZIM pic.twitter.com/YVxIormTTD
پہلی اننگز مکمل ہونے کے بعد بارش کا سلسلہ ایسا شروع ہوا کہ زمبابوے کی ٹیم گراؤنڈ میں بیٹنگ کیلیے نہیں آسکی۔