انڈر 19 ورلڈ کپ: پاکستان اور بنگلادیش کا وارم اپ میچ بارش کے باعث منسوخ

آئی سی سی انڈر 19 ورلڈ کپ سے قبل کھیلا جانے والا پاکستان اور بنگلا دیش انڈر 19 ٹیموں کے درمیان وارم اَپ میچ بارش کے باعث منسوخ کر دیا گیا۔

زمبابوے کے ماسونگو اسپورٹس کلب میں کھیلے گئے میچ میں پاکستان انڈر 19 نے ٹاس جیت کر بنگلا دیش انڈر 19 ٹیم کو پہلے بیٹنگ کی دعوت دی۔

بنگلا دیش انڈر 19 نے 36.3 اوورز میں 7 وکٹوں کے نقصان پر 152 رنز بنائے۔پاکستان انڈر 19 کے علی رضا نے شاندار باولنگ کرتے ہوئے 3 وکٹیں حاصل کیں۔

بنگلہ دیش کے کلام صدیقی 71 رنز بنا کر ناٹ آؤٹ رہے۔