پاکستان کے نوجوان کرکٹر کا ڈربی شائر فالکنز سے معاہدہ
انگلینڈ کی ڈربی شائر فالکنز نے پاکستان کے نوجوان کرکٹر سفیان مقیم سے معاہدہ کرلیا۔
تفصیلات کے مطابق ڈربی شائر فالکنز نے 2026 وائٹیلیٹی بلاسٹ کے لیے دو بین الاقوامی اسپنرز سفیان مقیم اور محمد غضنفر کو اسکواڈ کا حصہ بنانے کا اعلان کیا ہے۔
کلب کے مطابق سفیان مقیم ٹورنامنٹ کے گروپ مرحلے کے ابتدائی حصے میں ٹیم کو دستیاب ہوں گے، جبکہ محمد غضنفر دوسرے مرحلے اور ناک آؤٹ میچز کے لیے فالکنز میں شامل ہوں گے۔
پاکستان کی جانب سے ٹی ٹوئنٹی میں 5 رنز کے عوض 3 وکٹیں لینے والے سفیان مقیم اپنی بائیں ہاتھ کی رسٹ اسپن کے باعث عالمی فرنچائز کرکٹ میں خاصی پہچان بنا چکے ہیں۔
𝐒𝐔𝐅𝐘𝐀𝐍 𝐒𝐈𝐆𝐍𝐒 📝
Pakistan left-arm spinner, Sufyan Moqim, joins the Falcons for the first half of the 2026 Vitality Blast campaign!
Read more ➡️ https://t.co/DQdub9ap2X pic.twitter.com/du8PL6Kxgo— Derbyshire CCC (@DerbyshireCCC) January 23, 2026
حال ہی میں انہوں نے بنگلادیش پریمیئر لیگ میں کوچ مکی آرتھر کے ساتھ کام بھی کیا جہاں ان کی کارکردگی کو خوب سراہا گیا۔
ڈربی شائر کے ہیڈ آف کرکٹ مکی آرتھر نے کہا کہ سفیان ایک ابھرتے ہوئے ٹی ٹوئنٹی اسٹار ہیں اور دباؤ میں بہترین کارکردگی دکھانے کی صلاحیت رکھتے ہیں۔
This guy is incredibly exciting and has the ability to become one if the best in the world at his skill!@DerbyshireCCC https://t.co/evT55U0bXW
— Mickey Arthur (@Mickeyarthurcr1) January 23, 2026
آرتھر کے مطابق مختلف ٹورنامنٹس کے ٹکراؤ کے باوجود دو بین الاقوامی اسپنرز کا معاہدہ کرنا کلب کے لیے ایک بڑی کامیابی ہے جس سے پورے سیزن میں ٹیم کا توازن برقرار رہے گا۔