سردی کی حالیہ لہر نے بلوچستان کے مناظر کو بھی خوبصورت سفید چادر سے سجا دیا

بلوچستان کے پہاڑی اور شمالی اضلاع اب فریزر میں تبدیل ہو چکے ہیں، شدید سردی کی لہر نے پورے صوبے کو اپنی گرفت میں لے لیا ہے جہاں پارہ نقطہ انجماد سے کئی ڈگری نیچے گر کر ریکارڈ توڑ رہا ہے۔

زیارت کی وادیوں میں تو گویا برف کا نیا موسم شروع ہو چکا ہے، منفی 12 ڈگری سینٹی گریڈ تک پہنچ کر وہاں کی ہوائیں ہڈیوں کو چیر رہی ہیں۔

محکمہ موسمیات کے تازہ ترین اعداد و شمار کے مطابق، آج سے ایک نیا سلسلہ بارش اور برفباری کا شروع ہو رہا ہے جو صوبے کے بیشتر حصوں کو سفید چادر اوڑھا دے گا۔

یہ سلسلہ موسم کو اور بھی ڈرامائی بنا دے گا۔ ایک طرف برف کی چمک، دوسری طرف بارش کی آوازیں ریکارڈ شدہ کم سے کم درجہ حرارت جو اب تک کی سردی کی شدت کو ظاہر کرتے ہیں۔

چمن میں منفی 2 سے منفی 4، ژوب میں منفی 4، سبی میں 6، تربت میں 9، نوکنڈی میں 2، گوادر میں 10 اور جیوانی میں 11 ریکارڈ ہوا۔

دوسری جانب، کمشنر کوئٹہ نے شہریوں سے اپیل کی ہے کہ وہ غیر ضروری سفر سے گریز کریں۔ صوبائی حکومت نے تمام ڈپٹی کمشنرز کو ہدایت جاری کی ہے کہ برفباری کے دوران قومی شاہراہوں پر ٹریفک کی روانی برقرار رکھنے کے لیے تمام وسائل بروئے کار لانے جائے۔

واضح رہے کہ بلوچستان کے مختلف علاقوں میں 25 اور 26 جنوری کو بارش اور برفباری کا امکان ہے۔