پی ایس ایل: فخر زمان کی سنچری، لاہور کا کوئٹہ کو جیت کیلیے 198 رنز کا ہدف
پاکستان سپر لیگ (پی ایس ایل) کے تیسویں میچ میں لاہور قلندرز نے کوئٹہ گلیڈی ایٹرز کو جیت کے لیے 198 رنز کا ہدف دے دیا۔
قذافی اسٹیڈیم لاہور میں کھیلے جارہے میچ میں لاہور قلندرز نے ٹاس جیت کر پہلے بیٹنگ کرنے کا فیصلہ کیا۔
فخر زمان کی 51 گیندوں پر 103 رنز کی شاندار اننگز کی بدولت لاہور قلندرز نے مقررہ 20 اوورز میں 6 وکٹوں کے نقصان پر 197 رنز بنائے۔
Fakhar Zaman is unstoppable on his day 🔥
And he brought up his century in style 🙌#HBLPSL11 | #NewEra | #LQvQG pic.twitter.com/O6mBV5caFI— PakistanSuperLeague (@thePSLt20) April 21, 2026
چارتھ اسالنکا 31، عبداللہ شفیق 14، شاہین آفریدی 8، سکندر رضا 5 اور محمد فاروق 4 رنز بناکر آؤٹ ہوئے جبکہ ڈینیئل سیمس 18 رنز بناکر ناٹ آؤٹ رہے۔
کوئٹہ گلیڈی ایٹرز کی جانب سے خلیل احمد نے 2 جبکہ ابرار احمد، بریٹ ہیمپٹن اور عثمان طارق نے ایک ایک وکٹ حاصل کی۔
کوئٹہ گلیڈی ایٹرز کو آج کے میچ میں لازمی فتح درکار ہے، شکست کی صورت میں کوئٹہ کی ٹیم ایونٹ سے باہر ہوجائے گی۔