پی ایس ایل: کراچی اور لاہور کے رائیولری ریکارڈ کیلیے ’لیجنڈ بورڈ‘ متعارف
پاکستان سپر لیگ (پی ایس ایل) کے دلچسپ مقابلوں میں ایک نئی روایت کا اضافہ کر دیا گیا ہے۔
تفصیلات کے مطابق کراچی کنگز اور لاہور قلندرز کے درمیان ہونے والے ’ایل کلاسیکو‘ میچز کو مزید منفرد بنانے کے لیے ’میتهیمیٹیکل لیجنڈ بورڈ‘ متعارف کرایا گیا ہے۔
اس خصوصی بورڈ کا مقصد دونوں ٹیموں کے درمیان ہونے والے مقابلوں کی تاریخ کو منفرد انداز میں پیش کرنا ہے۔
ہر میچ کے بعد جیتنے والی ٹیم کا ایک نیا ٹائل اس بورڈ میں شامل کر دیا جاتا ہے جس سے وقت کے ساتھ مقابلے کی مکمل تصویر واضح ہوتی جاتی ہے۔
اب تک کے ریکارڈ کے مطابق اس بورڈ پر کراچی کنگز کی 16 فتوحات کے ٹائلز موجود ہیں جبکہ لاہور قلندرز کی آٹھ کامیابیوں کو بھی شامل کیا جا چکا ہے۔
"𝐓𝐇𝐄 𝐋𝐄𝐆𝐄𝐍𝐃" 𝐡𝐚𝐬 𝐛𝐞𝐞𝐧 𝐮𝐩𝐝𝐚𝐭𝐞𝐝 𝐰𝐢𝐭𝐡 𝐭𝐡𝐞 𝐊𝐢𝐧𝐠𝐬' 𝐭𝐢𝐥𝐞🪙
The Mathematical Legend board has been introduced in the HBL PSL El Clasico, Karachi Kings vs Lahore Qalandars.
With every encounter in the HBL PSL, the board will be updated with the… pic.twitter.com/m6RExoD84I— PakistanSuperLeague (@thePSLt20) April 23, 2026
شائقین کرکٹ کے لیے یہ نیا تصور نہ صرف دلچسپی میں اضافہ کرے گا بلکہ دونوں ٹیموں کے درمیان مقابلے کو مزید سنسنی خیز اور یادگار بھی بنائے گا۔