کراچی میں شدید گرمی سے پارہ 40 ڈگری پر پہنچ گیا

شہر قائد میں شدید گرمی کے باعث درجہ حرارت 40 ڈگری سینٹی گریڈ پر پہنچ گیا جبکہ کہ بھی موسم گرم و خشک ریکارڈ ہو سکتا ہے۔

محکمہ موسمیات کے مطابق شہر میں نمی کا تناسب 36 فیصد اور سمندری ہوائیں بحال ہیں۔

کراچی میں موجودہ گرمی کی لہر کے دوران ہیٹ ویو کا امکان نہیں ہے کیونکہ ہیٹ ویو کے دوران نمی کا تناسب 60 فیصد سے تجاوز کرنا اہم پہلو ہے۔

حالیہ گرمی کی لہر کے دوران نمی کا تناسب دن کے وقت 28 تا 30 فیصد رہنے کی توقع ہے۔

ڈپٹی ڈائریکٹر و ترجمان محکمہ موسمیات انجم نذیر ضیغم کے مطابق دیہی سندھ کے مختلف اضلاع میں آج مزید ہیٹ ویو کی صورتحال برقرار رہ سکتی ہے۔

حیدرآباد میں شدید گرمی برقرار رہنے سے رجہ حرارت 42 ڈگری سینٹی گریڈ ریکارڈ کیا گیا، شدید گرمی کے باعث شاہراہوں پر ٹریفک کی روانی معمول سے کم ہے۔

گرمی کا سابقہ ریکارڈ نہیں ٹوٹا

انجم نذیر کے مطابق آج شہرمیں مئی کے مہینے کے دوران گرمی کا سابقہ ریکارڈ نہیں ٹوٹا، 
مئی کے مہینے میں شہر کا سابقہ ریکارڈ 48 ڈگری سینٹی گریڈ ہے، گرمی کی موجودہ لہر کو ہیٹ ویو ڈیکلئیرنہیں کیا جارہا۔

انہوں نے کہا کہ ہیٹ ویو کے دوران سمندری ہواؤں کی 3 تا 5 دن مسلسل بندش، درجہ حرارت 40 ڈگری جبکہ نمی کا تناسب 65 فیصد تک تجاوز کرنے جیسے عوامل شامل ہوتے ہیں، کل مزید ایک روزہ گرم موسم کے بعد درجہ حرارت کم ہونا شروع ہوگا۔