ایران کی فیفا ورلڈکپ 2026 کیلیے کٹ رونمائی کی پروقار تقریب
ایران کی قومی فٹبال ٹیم نے 2026 فیفا ورلڈ کپ کے لیے اپنی نئی ہوم کٹ متعارف کرا دی ہے، جسے مقامی اسپورٹس برانڈ نے تیار کیا ہے۔
نئی جرسی سفید رنگ پر مشتمل ہے اور اس میں 2022 کے ورلڈکپ کٹ کی جھلک نمایاں دکھائی دیتی ہے۔
جرسی پر ایشیائی چیتے کا واٹرمارک دوبارہ شامل کیا گیا ہے جبکہ بازوؤں پر جانوروں کی کھال سے متاثر ٹونل پیٹرن بنایا گیا ہے۔
اس کے علاوہ آستینوں کے کناروں پر ایرانی پرچم کے رنگ اور سرخ لوگوز و نمبرز نمایاں ہیں۔
Iran's National Football Team unveils their 2026 FIFA World Cup kit at rally held in Tehran's Enghelab Sq.
Follow Press TV on Telegram: https://t.co/LWoNSpkJSh pic.twitter.com/0ZWlgPGqvp— Press TV 🔻 (@PressTV) May 13, 2026
ایران کی سرکاری خبر رساں ایجنسی کے مطابق قومی ٹیم پیر کے روز ترکیہ روانہ ہوگی جہاں انطالیہ میں پری ورلڈ کپ تربیتی کیمپ لگایا جائے گا جبکہ ایرانی ٹیم دو دوستانہ میچز بھی کھیلے گی۔
گزشتہ روز تہران کے انقلاب اسکوائر میں ٹیم کے لیے ایک خصوصی الوداعی تقریب منعقد کی گئی جس میں کھلاڑیوں، کوچنگ اسٹاف، فٹبال فیڈریشن حکام اور اسپورٹس شخصیات نے شرکت کی۔
MASSIVE CROWDS at Tehran's Revolution Square SEND OFF Iran's national team to the WORLD CUP
'May the hand of GOD & the hand of IMAM ALI be with you' pic.twitter.com/HlVYbNgkKP— RT (@RT_com) May 13, 2026
تقریب میں قومی ٹیم کا خصوصی ترانہ اور آفیشل ورلڈ کپ جرسی پیش کی گئی۔
ایران کو ورلڈ کپ کے گروپ جی میں بیلجیم، مصر اور نیوزی لینڈ کے ساتھ رکھا گیا ہے۔ ٹیم اپنا پہلا میچ 16 جون کو لاس اینجلس میں نیوزی لینڈ کے خلاف کھیلے گی۔