کراچی، نامعلوم گاڑی کی ٹکر سے موٹر سائیکل سوار جاں بحق
جاں بحق ہونے والے نوجوان کی شناخت 16 سالہ یمن الحق کے نام سے ہوئی ہے
کراچی:
شہر قائد میں سپرہائی وے احسن آباد ایڈمور پمپ کے قریب نامعلوم گاڑی کی ٹکر سے موٹرسائیکل سوار نوجوان جاں بحق ہو گیا جس کی لاش کو چھیپا ایمبولینس کے ذریعے عباسی شہید اسپتال منتقل کر دیا گیا۔
چھیپا حکام کے مطابق جاں بحق ہونے والے نوجوان کی شناخت 16 سالہ یمن الحق کے نام سے ہوئی ہے۔ حادثہ اتنا شدید تھا کہ نوجوان موقع پر ہی دم توڑ گیا۔