عمران خان نے عید الفطر کی طرح آج عید الاضحیٰ کی نماز بھی کیوں نہیں پڑھی؟
عید الفطر پر بھی عمران خان اور بشریٰ بی بی جیل میں اپنے سیل ہی میں رہے تھے، ذرائع
(فوٹو: اے آئی جنریٹڈ)
راولپنڈی:
ملک بھر کی طرح راولپنڈی کی اڈیالہ جیل میں بھی آج عید الاضحیٰ کی نماز ادا کی گئی، جہاں عام قیدیوں نے عید کی نماز جیل کی جامع مسجد اور امام بارگاہ میں ادا کی۔
اڈیالہ جیل میں نماز عید کے 2 بڑے اجتماعات (جامع مسجد اور امام بارگاہ میں) منعقد ہوئے، جس میں سیکڑوں قیدیوں، حوالاتیوں اور افسران نے شرکت کی۔
یہ خبر بھی پڑھیں: عمران خان نے آج عیدالفطر کی نماز کیوں نہیں پڑھی؟
ذرائع کے مطابق سیکیورٹی وجوہات کے باعث بانی پی ٹی آئی عمران خان عیدالاضحیٰ کی نماز ادا نہیں کرسکے۔ عمران خان اور ان کی اہلیہ اپنے اپنے سیلز میں موجود رہے۔
واضح رہے کہ رواں برس عید الفطر پر بھی سیکیورٹی وجوہات کی بنا پر بانی پی ٹی آئی عید کی نماز میں شریک نہیں ہو سکے تھے اور انہوں نے اپنے سیل ہی میں قیام کیا تھا۔