مغربی افریقا کے ممالک میں ایبولا وائرس سے مزید 84 افراد ہلاک
مغربی افریقا کے ممالک میں مہلک مرض کے نتیجے میں ہلاکتوں کی تعداد1229 ہوگئی ہے، عالمی ادارہ صحت
37 مشتبہ مریضوں پر نگاہ رکھی جارہی ہے جب کہ وائرس کے وسیع علاقے میں پھیلنے کا خدشہ ہے،لائیبرین حکام۔ فوٹو: رائٹرز/فائل
لاہور:
عالمی ادارہ صحت نے کہا ہے کہ ایبولا وائرس کے باعث مغربی افریقہ میں مزید 84 افراد ہلاک ہوگئے اور مہلک مرض کے نتیجے میں ہلاکتوں کی تعداد1229 ہوگئی ہے۔
غیر ملکی خبررساں ادارے کے مطابق اقوام متحدہ کے ادارہ برائے صحت نے اعلان کیاکہ اس بیماری کے تصدیق شدہ اور ممکنہ متاثرین کی تعداد2240 ہو چکی ہے جس میں گذشتہ ہفتے اس بیماری میں مبتلا ہونے والے113 نئے مریض بھی شامل ہیں۔ زیادہ ترنئی اموات لائیبریا میں واقع ہوئیں جہاں اہلکاروں کی یہ کوشش رہی ہے کہ اس وائرس پر کنٹرول کیا جائے۔
لائبیریا کی حکومت نے کہاکہ ایبولا کے مشتبہ37مریضوں پر نگاہ رکھی جارہی ہے، جو دارالحکومت، مونروویا میں قائم متعدی امراض میں مبتلا مریضوں کے علیحدہ شفا خانے سے بھاگ نکلے تھے۔ اس کی وجہ اتوار کے روز مسلح افراد کی طرف سے ان پر کیا جانے والا حملہ اور لوٹ مار کی کوشش تھی۔
وزارت اطلاعات کا کہنا ہے کہ قریبی مکینوں میں ''غلط فہمی'' کا عنصر پایا جاتا ہے، جن کا خیال تھا کہ ملک بھر کے ایبولا کے متاثرین کو وہاں لاکر داخل کیا جا رہا ہے۔ اس اندیشے کا اظہار کیا جا رہا ہے کہ اس واقعے کے نتیجے میں، یہ بیماری وسیع علاقے میں پھیل سکتی ہے۔
عالمی ادارہ صحت نے کہا ہے کہ ایبولا وائرس کے باعث مغربی افریقہ میں مزید 84 افراد ہلاک ہوگئے اور مہلک مرض کے نتیجے میں ہلاکتوں کی تعداد1229 ہوگئی ہے۔
غیر ملکی خبررساں ادارے کے مطابق اقوام متحدہ کے ادارہ برائے صحت نے اعلان کیاکہ اس بیماری کے تصدیق شدہ اور ممکنہ متاثرین کی تعداد2240 ہو چکی ہے جس میں گذشتہ ہفتے اس بیماری میں مبتلا ہونے والے113 نئے مریض بھی شامل ہیں۔ زیادہ ترنئی اموات لائیبریا میں واقع ہوئیں جہاں اہلکاروں کی یہ کوشش رہی ہے کہ اس وائرس پر کنٹرول کیا جائے۔
لائبیریا کی حکومت نے کہاکہ ایبولا کے مشتبہ37مریضوں پر نگاہ رکھی جارہی ہے، جو دارالحکومت، مونروویا میں قائم متعدی امراض میں مبتلا مریضوں کے علیحدہ شفا خانے سے بھاگ نکلے تھے۔ اس کی وجہ اتوار کے روز مسلح افراد کی طرف سے ان پر کیا جانے والا حملہ اور لوٹ مار کی کوشش تھی۔
وزارت اطلاعات کا کہنا ہے کہ قریبی مکینوں میں ''غلط فہمی'' کا عنصر پایا جاتا ہے، جن کا خیال تھا کہ ملک بھر کے ایبولا کے متاثرین کو وہاں لاکر داخل کیا جا رہا ہے۔ اس اندیشے کا اظہار کیا جا رہا ہے کہ اس واقعے کے نتیجے میں، یہ بیماری وسیع علاقے میں پھیل سکتی ہے۔