فیفا ورلڈکپ: اسپین، ارجنٹینا، فرانس، انگلینڈ کے سیمی فائنل میں پہنچتے ہی نئی تاریخ رقم
فیفا ورلڈکپ کی تاریخ میں پہلی بار عالمی رینکنگ کی ٹاپ فور ٹیموں نے سیمی فائنل تک رسائی حاصل کر لی ہے۔
تفصیلات کے مطابق اسپین، ارجنٹینا، فرانس اور انگلینڈ کی اس کامیابی میں فیفا کے نئے ڈرا سسٹم نے بھی اہم کردار ادا کیا جس کے تحت چاروں سرفہرست ٹیموں کو الگ الگ حصوں میں رکھا گیا تاکہ وہ سیمی فائنل سے پہلے ایک دوسرے کے مدمقابل نہ آئیں۔
اس منصوبے کے کامیاب ہونے کے لیے ضروری تھا کہ تمام ٹیمیں اپنے اپنے گروپس میں پہلی پوزیشن حاصل کریں اور ایسا ہی ہوا۔
The top four teams in the world rankings have made the World Cup semi-finals for the first time.
— BBC Sport (@BBCSport) July 12, 2026
Fifa introduced a new draw format for this tournament to ensure the four top seeds wouldn't meet until this stage, if they all won their groups. pic.twitter.com/sLL1dp5bo0
نئے فارمیٹ کے تحت اسپین اور ارجنٹینا صرف فائنل میں ہی آمنے سامنے آ سکتے ہیں جبکہ فرانس اور انگلینڈ کو ناک آؤٹ مرحلے میں الگ راستے دیے گئے۔
اب سیمی فائنلز میں فرانس کا مقابلہ اسپین سے جبکہ انگلینڈ کا ارجنٹینا سے ہوگا۔
48 ٹیموں پر مشتمل نئے ورلڈکپ فارمیٹ کے باعث ابتدائی ناک آؤٹ مرحلے میں بڑی ٹیموں کے ٹکرانے کے امکانات بڑھ گئے تھے جس کے پیش نظر فیفا نے ڈرا کے طریقہ کار میں تبدیلی کی۔
اس فیصلے کا مقصد بڑے مقابلوں کو ٹورنامنٹ کے آخری مراحل تک محفوظ رکھنا اور مقابلوں میں توازن برقرار رکھنا تھا جو اس بار کامیاب ثابت ہوا۔
Top of the table 📈
— FIFA (@FIFAcom) July 12, 2026
For the first time ever, the four @FIFAWorldCup 2026 semi-finalists are the top four teams in the FIFA/Coca-Cola Men’s World Ranking 👏 pic.twitter.com/zSyv2lUYU3