لاہور؛ پولیس حراست میں خواتین کی ہلاکت، تھانے جانے سے قبل کی ویڈیو سامنے آگئی

ٹاؤن شپ پولیس کی حراست میں دو خواتین کی ہلاکت کے معاملے پر دونوں خواتین کی پولیس حراست میں جانے سے قبل کی ویڈیو سامنے آگئی۔

ویڈیو میں دیکھا جا سکتا ہے کہ دونوں خواتین ٹاؤن شپ بی بلاک میں علاقہ مکینوں سے تکرار کرتی رہیں، علاقہ مکین مبینہ طور پر واردات میں ہتھیائی گئی رقم کا مطالبہ کرتے رہے۔

پولیس کے مطابق موبائل ویڈیو معاملے کی انکوائری کا حصہ بنا دی گئی، خواتین کی ہلاکت کی انکوائری ضابطہ فوجداری کے تحت جاری ہے اور انکوائری مکمل ہونے پر تمام شواہد سامنے لائے جائیں گے۔