کراچی میں گھر سے پولیس افسر کی اہلیہ کی گلا کٹی لاش برآمد، متوفیہ نفسیاتی مسائل کا شکار تھیں

سچل کے علاقے اسکیم 33 فالکن سوسائٹی میں گھر سے خاتون کی گلا کٹی ہوئی لاش ملی جسے پولس خود کو گلے پر تیز دھار آلے سے وار کر کے خودکشی بتا رہی ہے، واقعہ کی اطلاع ملتے ہی پولیس نے موقع پر پہنچ کر کرائم سین یونٹ کو طلب کر کے شواہد حاصل کرنے کے بعد لاش ضابطے کی کارروائی کے لیے اسپتال منتقل کر دی۔

 تفصیلات کے مطابق سچل کے علاقے اسکیم 33 فالکن سوسائٹی میں گھر سے خاتون کی گلا کٹی لاش ملی اس حوالے سے ایس ایچ او سچل ولایت شاہ نے بتایا کہ خاتون کی شناخت 58 سالہ ممتاز بی بی کے نام سے کی گئی جو کہ پولیس افسر ملک سلیم کی اہلیہ تھیں اور کچھ بیماری کی وجہ سے کچھ نفسیاتی مسائل کا بھی شکار تھیں۔

 ابتدائی تحقیقات میں واقعہ خود کو گلے پر تیز دھار آلے سے وار کر کے خودکشی کا معلوم ہوا ہے جبکہ پولیس کو جائے وقوعہ سے تیز دھار آلہ (چھری) بھی ملی ہے جب واقعہ پیش آیا گھر میں دیگر اہلخانہ بھی موجود تھے، تاہم پولیس نے ضابطے کی کارروائی کے بعد متوفیہ کی لاش ورثا کے حوالے کر دی، تاہم اس حوالے سے مزید تفتیش کا عمل جاری ہے ۔