کراچی، گھگھر پھاٹک کے قریب مل میں دوران کام کرنٹ لگنے سے نوجوان جاں بحق
متوفی کی شناخت 25 سالہ باسط کے نام سے کی گئی
کراچی:
شہر قائد میں گھگھر پھاٹک کے قریب مقامی مل میں نوجوان کو کرنٹ لگ گیا جسے فوری طور پر چھیپا کے رضا کاروں نے جناح اسپتال پہنچایا جہاں ڈاکٹروں نے معائنے کے بعد اس کی موت کی تصدیق کر دی۔
ریسکیو حکام کا کہنا ہے کہ متوفی کی شناخت 25 سالہ باسط کے نام سے کی گئی جبکہ واقعہ مل میں کام کے دوران کرنٹ لگنے سے پیش آنے کا بتایا جا رہا ہے جس کی پولیس مزید معلومات حاصل کر رہی ہے ۔