کھیلوں کے مختلف میدانوں سے سورج گرہن کی تصویری جھلکیاں

گزشتہ روز 1999 کے بعد کا اہم ترین سورج گرہن برطانیہ اور یورپ کے مختلف علاقوں میں دکھائی دیا۔

اس سورج گرہن نے کھیلوں کے کئی مقابلوں کے دوران شائقین کی توجہ بھی کھیل سے ہٹا کر اپنی جانب مبذول کروا لی۔

اسپین اور آئس لینڈ کے بعض علاقوں میں مکمل سورج گرہن اپنے عروج پر پہنچا جبکہ برطانیہ میں مختلف مقامات پر چاند نے سورج کا 90 فیصد سے زائد حصہ ڈھانپ لیا۔

اس غیر معمولی منظر نے کھیلوں کے شائقین کو چند لمحوں کے لیے مقابلوں سے نظریں ہٹانے پر مجبور کردیا۔

برمنگھم میں یورپی ایتھلیٹکس چیمپئن شپ، دی ہنڈریڈ کے کرکٹ میچ اور آسٹریا میں ایسٹن ولا اور پیرس سینٹ جرمین کے سپر کپ مقابلے کے دوران تماشائیوں نے گرہن کا نظارہ کیا۔

ماہرین نے براہ راست سورج دیکھنے سے خبردار کیا تھا تاہم حفاظتی چشمے نہ رکھنے والے کچھ شائقین نے گرہن دیکھنے کے لیے گھریلو ساختہ طریقے بھی استعمال کیے۔

کھیلوں کے مختلف میدانوں سے سورج گرہن کی تصویری جھلکیاں