حکومت نے پیٹرول، ڈیزل کی قیمت میں اضافہ کردیا

حکومت نے پیٹرول اور ڈیزل کی قیمت میں پھر اضافہ کردیا اور نئی قیمت کا اطلاق 14 اگست کے لیے ہوگا۔

وزارت توانائی سے کی جانب سے جاری نوٹیفکیشن میں بتایا گیا ہے کہ آئل اینڈ گیس ریگیولیٹری اتھارٹی (اوگرا)نے حکومت کے پیٹرولیم مصنوعات کی قیمتوں میں ردوبدل کے طریقہ کار کی بنیاد پر نئی قیمتوں کا تعین کیا ہے۔

حکومت نے پیٹرول کی فی لیٹر قیمت میں 45 پیسے کا اضافہ کرکے فی لیٹر قیمت 325 روپے 43 پیسے مقرر کردی ہے جبکہ گزشتہ روز 324 روپے 98 پیسے رکھی گئی تھی۔

اسی طرح ہائی اسپیڈ ڈیزل کی فی لیٹر قیمت میں ایک روپے 16 پیسے کا اضافہ کردیا گیا ہے، ڈیزل کی نئی قیمت 383 روپے 95 پیسے ہوگئی ہے

نوٹیفکیشن میں بتایا گیا کہ پیٹرولیم مصنوعات کی نئی قیمتوں کا اطلاق 14 اگست 2026 کے لیے ہوگا۔

یاد رہے کہ حکومت نے گزشتہ روز پیٹرول کی قیمت میں 94 پیسے کی کمی کردی تھی اور ہائی اسپیڈ ڈیزل کی قیمت میں 54 پیسے کا اضافہ کیا تھا، جس کے بعد گزشتہ روز کے لیے ڈیزل کی قیمت 382 روپے 79 پیسے مقرر کی تھی۔