چیئرمین پی سی بی محسن نقوی کا جشنِ آزادی کے موقع پر شائقین کیلیے سرپرائز کا اعلان

پاکستان کرکٹ بورڈ کے چیئرمین محسن نقوی نے جشنِ آزادی کے موقع پر شائقین کرکٹ کے لیے خصوصی سرپرائز کا اعلان کردیا۔

محسن نقوی نے کہا کہ نیشنل چیمپئنز کپ کا ایکشن براہِ راست جاری ہے اور شاداب خان، صاحبزادہ فرحان، فخر زمان سمیت کئی پسندیدہ اسٹارز میدان میں ایکشن میں ہیں۔

انہوں نے شائقین کو دوستوں اور اہلخانہ کے ہمراہ ملتان کرکٹ اسٹیڈیم آکر میچز سے لطف اندوز ہونے کی دعوت دیتے ہوئے کہا کہ اسٹیڈیم میں داخلہ سہ پہر 3 بجے سے مفت ہوگا۔

چیئرمین پی سی بی نے بتایا کہ آج رات 10 بجے جشنِ آزادی کے موقع پر شائقین کے لیے ایک خاص سرپرائز بھی ہوگا۔