بنگلا دیش نے ہمیں ہر شعبے میں آؤٹ کلاس کیا، پیٹ کمنز کا اعتراف

آسٹریلوی ٹیسٹ ٹیم کے کپتان پیٹ کمنز نے بنگلا دیش کے ہاتھوں پہلے ٹیسٹ میں شکست تسلیم کرتے ہوئے کہا ہے کہ بنگلا دیشی ٹیم اس میچ میں آسٹریلیا سے کہیں بہتر تھی اور اس نے ہر شعبے میں کینگروز کو آؤٹ کلاس کیا۔

مارارا اسٹیڈیم میں میچ کے بعد پریس کانفرنس کرتے ہوئے پیٹ کمنز نے کہا کہ بنگلا دیش فتح کی مکمل حقدار تھی، وہ اس ہفتے ہماری ٹیم سے بہت بہتر رہی۔

انہوں نے کہا کہ بنگلا دیشی کھلاڑیوں نے انتہائی صبر کا مظاہرہ کیا اور ہمیں میچ میں واپس آنے کا زیادہ موقع نہیں دیا، جبکہ انہوں نے اپنے کیچز بھی مضبوطی سے تھامے۔

پیٹ کمنز کا کہنا تھا کہ کوئی بھی ٹیسٹ میچ ہارنا خوشگوار تجربہ نہیں ہوتا، تاہم آسٹریلوی ٹیم اپنے معیار کو اس سے کہیں بلند سمجھتی ہے جو اس میچ میں اس کی کارکردگی رہی۔

واضح رہے کہ بنگلا دیش نے ڈارون میں کھیلے گئے پہلے ٹیسٹ میں آسٹریلیا کو 9 وکٹوں سے شکست دے کر دو ٹیسٹ میچز کی سیریز میں 1-0 کی برتری حاصل کرلی ہے۔