آزاد جموں کشمیر میں مخصوص نشستوں کے انتخاب کا شیڈول جاری
مخصوص نشستوں کے انتخاب پر پولنگ چوبیس اگست کو ہوگی، آٹھ نشستوں پر انتخاب ہوگا
اسلام آباد:
الیکشن کمیشن آزاد جموں کشمیر نے مخصوص نشستوں کے انتخاب کا شیڈول جاری کردیا،
مخصوص نشستوں کے انتخاب پر پولنگ چوبیس اگست کو ہوگی جب کہ آٹھ نشستوں پر انتخاب ہوگا۔
الیکشن کمیشن کے مطابق مخصوص نشستوں پر کاغذات نامزدگی 20 اگست تک جمع کرائے جاسکیں گے، ریٹرننگ آفیسر بیس اگست کو امیدواروں کے کاغذات نامزدگی کی اسکروٹنی اور اہل نامزد امیدواروں کی لسٹ جاری کریں گے،
کاغذات نامزدگی کے خلاف اپیلیں اکیس اگست کودائر کی جائیں گی، الیکشن کمیشن دائر اپیلوں پر بائیس اگست کو سماعت اور فیصلہ کرے گا، تیئس اگست کو مخصوص نشست پر امیدواروں کی حتمی لسٹ جاری کی جائے گی۔