بھارت کیلئے فضائی حدود کی بندش میں 24 ستمبر تک توسیع

پاکستان ائیرپورٹس اتھارٹی نے بھارتی رجسٹرڈ طیاروں کے لیے پاکستانی فضائی حدود کے استعمال پر عائد پابندی میں 24 ستمبر تک مزید توسیع کر دی۔

پاکستان ایئرپورٹس اتھارٹی کی جانب سے جاری کردہ نوٹم کے مطابق بھارتی طیاروں کے لیے پاکستانی فضائی حدود کی بندش اب 18 اگست سے 24 ستمبر 2026 تک برقرار رہے گی۔

نوٹم میں کہا گیا ہے کہ پابندی کا اطلاق بھارتی ایئرلائنز اور آپریٹرز کے زیر انتظام، ملکیتی یا لیز پر لیے گئے تمام طیاروں پر ہوگا، اس میں فوجی پروازیں بھی شامل ہیں اور انہیں بھی مستثنیٰ قرار نہیں دیا گیا۔

یاد رہے کہ پاکستان نے اس سے قبل بھی بھارتی طیاروں کے لیے فضائی حدود کی بندش کا اعلان کیا تھا، جس میں اب مزید توسیع کی گئی ہے۔