طلاق لینے سے پہلے آپ گوندا کی 200 کروڑ کی جائیداد اپنے نام کروا لیں، راکھی ساونت کا سنیتا کو مشورہ

بالی ووڈ اداکار گووندا اور ان کی اہلیہ سنیتا آہوجا کے درمیان جاری تنازعے نے ایک اور رخ اختیار کر لیا جب سنیتا نے دعویٰ کیا کہ ان کے شوہر اداکارہ کومل رانی سوارنکر سے شادی کرنے کا منصوبہ بنا رہے تھے۔

سنیتا آہوجا نے یہ دعویٰ راکھی ساونت سے فون پر گفتگو کے دوران کیا جب راکھی نے میڈیا کے سامنے فون اسپیکر پر رکھا ہوا تھا۔

کال کے دوران سنیتا نے دعویٰ کیا کہ پہلے دونوں ایئرپورٹ پر ساتھ دکھے پھر پتا چلا کہ یہ شادی کا بھی ارادہ کر رہے ہیں۔

یہ گفتگو ایسے وقت سامنے آئی ہے جب سنیتا نے حال ہی میں گووندا کے خلاف دائر طلاق کی درخواست واپس لے لی۔