امریکا اور متحدہ عرب امارات کا ملٹری اے آئی ٹاسک فورس قائم کرنے کا اعلان
ٹاسک فورس آرٹیفیشل انٹیلیجنس اور سائبر سکیورٹی کے شعبوں میں کام کرے گی
امریکا اور متحدہ عرب امارات نے ملٹری آرٹیفیشل انٹیلیجنس ٹاسک فورس قائم کرنے کا اعلان کردیا۔
اماراتی حکام کے مطابق ٹیلون سائنپس کے نام سے قائم کی جانے والی ٹاسک فورس میں دونوں ممالک کے 20 ماہرین شامل ہوں گے جبکہ اس کا مرکز ابوظبی میں ہوگا۔
حکام کے مطابق ٹاسک فورس آرٹیفیشل انٹیلیجنس اور سائبر سکیورٹی کے شعبوں میں کام کرے گی جبکہ انٹیلیجنس معاونت اور اہم تنصیبات کے تحفظ پر بھی توجہ دی جائے گی۔
اماراتی حکام کا کہنا ہے کہ علاقائی سکیورٹی کی نگرانی بھی ٹاسک فورس کی ترجیحات میں شامل ہوگی اور یہ جلد باقاعدہ طور پر کام شروع کردے گی۔