مچل اسٹارک کی تباہ کن بولنگ، بنگلا دیش کو آسٹریلیا کے ہاتھوں عبرتناک شکست

آسٹریلوی فاسٹ بولر مچل اسٹارک کی تباہ کن بولنگ کے باعث بنگلا دیش کو ٹیسٹ کے دوسرے روز ہی عبرتناک شکست کا سامنا کرںا پڑا ہے۔

سیریز کے دوسرے اور آخری ٹیسٹ میں بنگلا دیش کو 51 رنز اور اننگز سے شکست ہوئی، آسٹریلیا اور بنگلا دیش کی ٹیموں نے کل 369 رنز بنائے جو ٹیسٹ میچز میں کم ترین مجموعہ ہے۔

آسٹریلیا نے ٹاس جیت کر بنگلا دیش کو بیٹنگ کی دعوی دی تھی لیکن مہمان ٹیم پہلی اننگز میں 64 رنز بنا کر پویلین لوٹ گئے جس کے جواب میں میزبان ٹیم 210 رنز بنا کر آؤٹ ہوئی تاہم کینگروز 146 رنز کی برتری حاصل کرنے میں کامیاب رہی۔

https://www.facebook.com/share/v/1EjH4pR3qh/

دوسری جانب، بنگلا دیش کے لیے 146 رنز کی برتری بھی بھاری ثابت ہوئی اور پوری ٹیم اپنی دوسری اننگز میں 95 رنز پرڈھیر ہوگئی۔ اس طرح آسٹریلیا نے 51 رنز اور اننگز سے شکست دے کر سیریز ایک ایک سے برابر کر دی۔

میچ کے اختتام پر دونوں ٹیموں کے کپتانوں نے مشترکہ طور پر ٹرافی اٹھائی۔ ورلڈ ٹیسٹ چیمپیئن شپ کی ٹیبل پر آسٹریلیا بدستور پہلے نمبر پر موجود ہے جبکہ بنگلا دیش شکست کے باوجود تاحال چوتھے نمبر پر ہے۔

واضح رہے کہ سیریز کے پہلے ٹیسٹ میچ میں بنگلا دیش نے آسٹریلیا کو شکست دے کر تاریخ رقم کی تھی، مہمان ٹیم کی جانب سے پہلے میچ میں غیر معمولی کارکردگی دکھائی گئی تھی۔