شادی کے صرف 5 ماہ بعد بادشاہ اور ایشا رکھی نے علیحدگی کا اعلان کر دیا

بھارتی گلوکار اور ریپر بادشاہ اور ان کی اہلیہ ایشا رکھی نے شادی کے محض 5 ماہ بعد باہمی رضامندی سے علیحدگی کا اعلان کر دیا۔

دونوں نے سوشل میڈیا کے ذریعے اپنے تعلق کے خاتمے کی تصدیق کرتے ہوئے مداحوں سے نجی زندگی کا احترام کرنے اور ان کے رشتے سے متعلق مزید قیاس آرائیاں نہ کرنے کی درخواست کی ہے۔

بادشاہ نے انسٹاگرام پر جاری بیان میں کہا کہ انہوں نے اور ایشا رکھی نے باہمی رضامندی سے الگ ہونے اور اپنی اپنی زندگی میں آگے بڑھنے کا فیصلہ کیا ہے۔

دونوں کے درمیان مسائل کی قیاس آرائیاں رواں برس جولائی میں اس وقت شروع ہوئی تھیں جب ایشا رکھی نے سوشل میڈیا پر چند مبہم پوسٹس شیئر کی تھیں۔