فیکٹ چیک: عمران خان کے بیٹے سلیمان خان کی ’فری عمران خان‘ شرٹ پہنے ویڈیو جعلی نکلی

Free Imran Khan pic.twitter.com/eRkNS3kqa7

— Khaula Chaudhry (@chaudhry_khaula) August 23, 2026

یہ منظر واقعی دل چھو لینے والا ہے—سلیمان خان نے پاکستان اور انگلینڈ کے میچ کے دوران شرٹ پر “FREE IMRAN KHAN” لکھ کر اپنی آواز دنیا تک پہنچا دی۔ ❤️‍🩹🇵🇰 pic.twitter.com/Tt3R2XA1It

— Digital update (@ZafarItaly) August 23, 2026

Free Imran Khan’s T shirt were by Salman Khan son of Imran Khan is spreading message about 3 billion people around the world. https://t.co/8Nr2sHh87T

حقیقت کیا ہے؟

فیکٹ چیک کے دوران ویڈیو کے ایک فریم کا ریورس امیج سرچ کیا گیا مگر ایسی کوئی مستند خبر یا اصل تصویر سامنے نہیں آئی جس سے تصدیق ہو سکے کہ سلیمان خان نے حقیقت میں یہ ٹی شرٹ پہنی تھی۔

ویڈیو کا باریک بینی سے جائزہ لینے پر بھی ایسی کئی بصری خامیاں سامنے آئیں جو اے آئی سے تیار کردہ مواد کی جانب اشارہ کرتی ہیں۔

ویڈیو کے تقریباً 4 سے 5 سیکنڈ کے درمیان سلیمان خان کی انگلیاں شیشے کے اندر سے گزرتی ہوئی محسوس ہوتی ہیں جبکہ اگلے لمحے ان کا ہاتھ شیشے کی رکاوٹ سے غیر فطری انداز میں اوپر جاتا دکھائی دیتا ہے۔

اے آئی ڈیٹیکشن ٹول نے کیا بتایا؟

ویڈیو کو گلوبل آن لائن ڈیپ فیک ڈیٹیکشن سینٹر کے ذریعے بھی جانچا گیا جس میں ویڈیو اور آڈیو کا تجزیہ متعدد ڈیپ فیک ڈیٹیکشن ماڈلز کے ذریعے کیا گیا۔

نتائج کے مطابق ویڈیو کا جائزہ لینے والے 22 میں سے 14 ماڈلز نے اسے 0.5 سے زیادہ امکان کے ساتھ جعلی یا مصنوعی قرار دیا جبکہ آڈیو کی جانچ کرنے والے 70  میں سے 50 ماڈلز نے بھی اس کے جعلی ہونے کا امکان 0.5 سے زیادہ ظاہر کیا۔

بصری خامیوں اور ڈیپ فیک ڈیٹیکشن کے نتائج کی بنیاد پر ویڈیو کو فیک قرار دیا جاتا ہے۔

نتیجہ

یہ وائرل ویڈیو حقیقی نہیں۔ دستیاب شواہد اور ڈیپ فیک تجزیے کے مطابق یہ ویڈیو مصنوعی ذہانت سے تیار کی گئی ہے۔