پی سی بی کا فرسٹ کلاس کرکٹ میں کوکابورا گیند واپس لانے کا فیصلہ
پاکستان کرکٹ بورڈ (پی سی بی) نے 2026-27 کے ڈومیسٹک سیزن سے فرسٹ کلاس کرکٹ میں ایک بار پھر کوکابورا گیند استعمال کرنے کا فیصلہ کیا ہے۔
اس فیصلے کے بعد قائد اعظم ٹرافی اور پریذیڈنٹ ٹرافی میں گزشتہ دو سیزنز سے استعمال ہونے والی ڈیوکس گیند کا دور ختم ہوجائے گا۔
ذرائع کے مطابق پی سی بی کا ماننا ہے کہ کوکابورا گیند کی واپسی سے ڈومیسٹک اور ٹیسٹ کرکٹ کے درمیان موجود فرق کم کرنے میں مدد ملے گی۔
ڈیوکس گیند کی نمایاں اور سخت سیون کے باعث فاسٹ بولرز کو زیادہ دیر تک سوئنگ اور سیم موومنٹ ملتی رہی جس سے کئی میچز میں بولرز کو واضح برتری حاصل رہی۔
The PCB has decided to reintroduce Kookaburra balls in Pakistan's first-class cricket system from the 2026-27 domestic season.
— Cricinfo (@cricinfo) September 11, 2026
This will mark a shift from the usage of Dukes balls in their domestic first-class competitions - the Quaid-e-Azam Trophy and the President's Trophy.… pic.twitter.com/Y7grLIrgCE
نئے سیزن میں زیادہ تر فرسٹ کلاس میچز پشاور، اسلام آباد، راولپنڈی اور ایبٹ آباد میں ہوں گے، جہاں موسم اور پچز پہلے ہی فاسٹ بولنگ کے لیے سازگار ہیں۔
پی سی بی کو امید ہے کہ کوکابورا گیند سے بیٹنگ اور بولنگ کے درمیان بہتر توازن قائم ہوگا جبکہ اسپنرز کو بھی زیادہ مؤثر کردار ادا کرنے کا موقع ملے گا۔
پاکستان میں کوکابورا گیند آخری بار 2023-24 سیزن تک استعمال ہوئی تھی۔