19 سالہ لڑکی سے زیادتی پر عمر قید پانے والا ملزم عدالت سے بری

19 سالہ لڑکی سے زیادتی کے الزام میں عمر قید کی سزا پانے والا ملزم عدالت سے بری ہوگیا۔

سندھ ہائیکورٹ نے زیادتی کے مقدمے میں عمر قید کی سزا پانے والے ملزم انور کی نظرثانی اپیل منظور کرتے ہوئے اسے شک کا فائدہ دے کر بری کردیا۔

عدالت نے سجاول کی ماتحت عدالت کا فیصلہ کالعدم قرار دے دیا۔ ماتحت عدالت نے ملزم کو 25 جولائی 2025 کو عمر قید اور 2 لاکھ روپے جرمانے کی سزا سنائی تھی۔

ملزم پر الزام تھا کہ اس نے عبدالرزاق کی 19 سالہ بھانجی سے زیادتی کی تھی۔

عدالت نے قرار دیا کہ مقدمے کی ایف آئی آر تاخیر سے درج کرائی گئی، جبکہ متاثرہ خاتون کا میڈیکل بھی 6 ماہ بعد کروایا گیا تھا۔