فیکٹ چیک: کیا ایڈ شیران نے ساتھی فنکاروں کے ٹور چھوڑنے کے بعد اکیلے کنسرٹ میں پرفارم کیا؟
سوشل میڈیا پر ایڈ شیران کی ایک ویڈیو تیزی سے وائرل ہو رہی ہے جس کے بارے میں دعویٰ کیا جا رہا ہے کہ تنازع کے بعد سپورٹنگ فنکاروں کے ٹور چھوڑنے پر گلوکار نے اکیلے اسٹیج سنبھالا اور پرفارم کیا۔
یہ دعویٰ درست نہیں۔
یہ معاملہ اس وقت شروع ہوا جب ریپر میکلمور کو فلسطین کی حمایت میں بیانات کے بعد ایڈ شیران کے لوپ ٹور سے ہٹایا گیا، جس کے بعد کئی سپورٹنگ فنکاروں نے بھی ٹور سے علیحدگی کا اعلان کر دیا۔
تحقیق کے مطابق وائرل ویڈیو حالیہ نہیں بلکہ 2022 کی ہے اور اسے موجودہ تنازع سے غلط طور پر جوڑا جا رہا ہے۔ ریورس امیج سرچ کے دوران یہی مناظر دسمبر 2022 میں شیئر کی گئی ایک پرانی ویڈیو میں ملے، جبکہ دوسرے زاویے سے بنائی گئی اسی پرفارمنس کی ویڈیو جولائی 2022 میں بھی موجود تھی۔
Los teloneros de Ed Sheeran no vendieron las entradas y llenaron estados, pero le dijeron que no y se fueron.
— 📢Rebelión en la Granja🚨 (@elorwelliano) September 17, 2026
Su banda no convoca giras alrededor del mundo pero le dijeron que no y se fueron.
¡Lo dejaron completamente solo!
Pero olvidaron que el cabeza de cartel, el hombre…
ویڈیو دراصل لندن کے ویمبلے اسٹیڈیم میں ایڈ شیران کے 2022 کے میتھیمیٹکس ٹور کی پرفارمنس کی ہے۔ ویمبلے اسٹیڈیم کی آفیشل ویب سائٹ بھی تصدیق کرتی ہے کہ ایڈ شیران نے جون اور جولائی 2022 میں وہاں پانچ شوز کیے تھے۔
میکلمور تنازع اور سپورٹنگ فنکاروں کے ٹور چھوڑنے کے بعد ایڈ شیران نے کوئی نئی سولو یا گروپ پرفارمنس نہیں کی۔
Ed Sheeran really said, “If everyone else is leaving, I might as well make it interesting.”
— QouteRoast 🔥 (@QouteRoast) September 17, 2026
When the opening acts are cancelled and your own band quits, you know the tour has entered a completely different level of chaos.
But beyond the joke, when the people who are supposed…
نتیجہ:
دعویٰ غلط ہے۔ وائرل ویڈیو حالیہ نہیں بلکہ 2022 کی پرفارمنس کی ہے۔