کراچی، سعید آباد پولیس اور ڈاکوؤں کے درمیان مقابلہ، 2 ڈاکو زخمی حالت میں گرفتار

شہر قائد میں سعید آباد پولیس نے گلشن مزدور منگل بازار کچا روڈ کے قریب مبینہ مقابلے کے دوران 2 ڈاکوؤں کو زخمی حالت میں گرفتار کرلیا۔

پولیس کے مطابق ڈاکوؤں کی شناخت ذوالفقار اور سردار کے نام سے کی گئی جبکہ ان کے دیگر 2 ساتھی موقع سے فرار ہوگئے جن کی تلاش کا عمل جاری ہے۔

پولیس نے ڈاکوؤں کے قبضے سے 2 پسول ، موبائل فونز اور موٹر سائیکل برآمد کرلی جبکہ دونوں زخمیوں کو طبی امداد کے لیے سول اسپتال منتقل کر دیا گیا اور ان کا کرمنل ریکارڈ بھی چیک کیا جا رہا ہے ۔