راولپنڈی میں پڑوسی نے 9 سالہ بچے کو گلا دبا کر قتل کردیا
ملزم کا بظاہر ذہنی توازن درست نہیں جبکہ وجہ سامنے نہیں آسکی، ذرائع
فوٹو فائل
راولپنڈی میں امتیاز مارکیٹ چاکرہ کے قریب پڑوسی نے 9 سال کے بچے کو گلا گھنٹ کر قتل کردیا۔
ایکسپریس نیوز کے مطابق راولپنڈی کے علاقے چاکرہ میں پڑوسی نے 9 سال کے بچے خرم علی کو گلا دبا کر قتل کردیا جبکہ ملزم موقع سے فرار ہوگیا۔
پولیس کے مطابق ملزم کی شناخت کاشی کے نام سے ہوئی جس کا بظاہر ذہنی توازن درست نہیں جبکہ قتل کی وجہ تاحال نہیں آسکی۔
پولیس کے مطابق فرانزک ٹیموں نے موقع سے شواہد اکھٹے کرنے کا عمل شروع کر دیا جبکہ تھانہ نصیر آباد پولیس نے ملزم کہ گرفتاری کے لئے کوششیں شروع کر دیں۔