سعودی عرب نے 22 سال بعد گلف کپ کا ٹائٹل جیت لیا

سعودی عرب نے متحدہ عرب امارات کو 0-2 سے شکست دے کر 27ویں گلف کپ کا ٹائٹل اپنے نام کرلیا اور 22 سال بعد ایک بار پھر چیمپئن بننے کا اعزاز حاصل کیا۔

جدہ کے کنگ عبداللہ اسپورٹس سٹی میں کھیلے گئے فائنل میں میزبان ٹیم نے ابتدا ہی سے شاندار کھیل پیش کیا۔

سعودی عرب کی جانب سے حمام الحمامی نے 11ویں منٹ میں باکس کے باہر سے لگایا گیا شاٹ حریف کھلاڑی سے ٹکرا کر جال میں پہنچایا جس سے اسٹیڈیم میں جشن شروع ہوگیا۔

صرف دو منٹ بعد فیرس البریکان نے قریب سے گول کرکے سعودی برتری دگنی کردی۔

متحدہ عرب امارات نے واپسی کی بھرپور کوشش کی اور پہلے ہاف میں اسے پنالٹی بھی ملی تاہم وی اے آر کے جائزے کے بعد فیصلہ واپس لے لیا گیا۔

دوسرے ہاف میں سعودی گول کیپر محمد العویس نے شاندار کارکردگی دکھاتے ہوئے کئی گول روکے جبکہ یو اے ای کے فابیو لیما کی کوشش بھی گول پوسٹ سے ٹکرا گئی۔

اس فتح کے ساتھ سعودی عرب نے چوتھی مرتبہ گلف کپ جیتا جبکہ اس سے قبل آخری کامیابی 2004 میں حاصل ہوئی تھی۔

کوچ جارجیوس ڈونیس نے کہا کہ ٹیم نے مشکلات سے سبق سیکھ کر یہ کامیابی حاصل کی۔