بنگلادیش: بھیک مانگ کر گزارہ کرنے والے شخص کا 21 شادیوں کا دعویٰ

بنگلادیش میں بھیک مانگ کر گزارہ کرنے والا 35 سالہ شخص اپنی 21 شادیوں کے حیران کن دعوے کے باعث سوشل میڈیا پر وائرل ہو گیا۔

مقامی میڈیا رپورٹس کے مطابق مورو میاں نامی بنگلادیشی شخص کا دعویٰ ہے کہ اس کی 21 بیویاں ہیں، تاہم دلچسپ بات یہ ہے کہ اسے اپنی تمام بیویوں کے نام تک یاد نہیں۔

مورو میاں کا کہنا ہے کہ اس نے خود کبھی کسی خاتون کو شادی کی پیشکش نہیں کی بلکہ خواتین خود اس کے پاس شادی کا پیغام لے کر آتی تھیں۔

اس کے بقول وہ کسی خاتون کو انکار نہیں کر پاتا تھا، اسی لیے شادی کی ہر پیشکش قبول کرتا گیا اور یوں اس کی بیویوں کی تعداد 21 تک پہنچ گئی۔

واضح رہے کہ مورو میاں کی شادیوں کی تعداد کی آزادانہ تصدیق نہیں ہو سکی ہے اور یہ ایک وائرل دعویٰ ہے۔