نانا پاٹیکر کے انتقال پر تنوشری دتہ کا حیران کن ردعمل، ’ایول ڈیڈ‘ کہہ دیا

بالی ووڈ اداکارہ تنوشری دتہ کا سینئر اداکار نانا پاٹیکر کے انتقال پر دیا گیا ردعمل سوشل میڈیا پر وائرل ہو گیا۔

تنوشری دتہ نے انسٹاگرام اسٹوری میں کہا کہ انہیں نانا پاٹیکر کے انتقال کی خبر ملی ہے، تاہم وہ ابھی سمجھ نہیں پا رہیں کہ اس پر کیا ردعمل دیں۔

اداکارہ کا کہنا تھا کہ وہ لکھنؤ میں ایک اہم تقریب کیلئے جا رہی ہیں اور فی الحال اپنی توجہ کام پر رکھنا چاہتی ہیں۔

انہوں نے خدشہ ظاہر کیا کہ میڈیا ایک بار پھر ان سے ماضی کے تنازع پر سوالات کرے گا، جبکہ انہوں نے اپنی گفتگو میں ’ایول ڈیڈ‘ کے الفاظ بھی استعمال کیے۔

واضح رہے کہ تنوشری دتہ نے 2018 میں نانا پاٹیکر پر جنسی ہراسانی کے الزامات عائد کیے تھے، جن کی اداکار نے تردید کی تھی۔