راکھی ساونت نے مجھے بدنام کرنے کیلئے نانا پاٹیکر سے رقم لی تھی، تنوشری دتہ کا دعویٰ

بالی ووڈ اداکارہ تنوشری دتہ نے دعویٰ کیا ہے کہ اداکار نانا پاٹیکر نے 2018 کی می ٹو مہم کے دوران انہیں بدنام کرنے کیلئے راکھی ساونت کو ڈھائی لاکھ روپے دیے تھے۔

تنوشری دتہ نے انسٹاگرام پر جاری ویڈیو میں الزام لگایا کہ راکھی ساونت نے ان کے خلاف پریس کانفرنس سے دو روز قبل نانا پاٹیکر کے ممبئی گھر سے 2 سے ڈھائی لاکھ روپے نقد وصول کیے تھے۔

اداکارہ کے مطابق انہیں یہ معلومات راکھی ساونت کی قریبی دوست راج شری مورے نے فراہم کیں۔ اس وقت وہ ذہنی دباؤ کا شکار تھیں اور ان کے خلاف الزامات نے ان کی مشکلات بڑھا دیں۔

تاہم راکھی ساونت اور راج شری مورے کی جانب سے ان الزامات پر کوئی ردعمل سامنے نہیں آیا۔