کترینہ کیف سے لندن میں پاکستانی سوشل میڈیا شخصیات کی ملاقات، ویڈیوز وائرل

بالی ووڈ اداکارہ کترینہ کیف کے بیوٹی برانڈ ’کے بیوٹی‘ کی لندن میں منعقدہ تقریب میں برطانیہ میں مقیم پاکستانی سوشل میڈیا انفلوئنسرز کی شرکت توجہ کا مرکز بن گئی۔ تقریب کے دوران ان کی اداکارہ سے ملاقات اور ساتھ بنائی گئی ویڈیوز سوشل میڈیا پر شیئر کی گئیں، جنہیں صارفین کی جانب سے دیکھا جا رہا ہے۔

8 اکتوبر کو ہونے والی اس تقریب میں لاریب رحیم، رومینہ بیگم، رمشاء وسیم، عاطفہ ارشد، مریم ملک اور مہوش الماس شریک ہوئیں۔ ان تمام انفلوئنسرز نے کترینہ کیف کے ساتھ ملاقات کے لمحات کی ویڈیوز اپنے سوشل میڈیا اکاؤنٹس پر پوسٹ کیں۔