چین کی الیکٹرک گاڑی نے ڈرفٹنگ کا گینیز ورلڈ ریکارڈ بنا دیا
یہ ریکارڈ متحدہ عرب امارات کے شہر ابوظبی میں واقع یاس مرینا سرکٹ میں قائم کیا گیا
چینی کار ساز کمپنی زیِکر نے الیکٹرک گاڑی کو ڈرفٹنگ کے ذریعے انتہائی تنگ راستے سے گزارنے کا گینیز ورلڈ ریکارڈ اپنے نام کرلیا۔
کمپنی کی نمائندگی کرنے والے ڈرائیور چیئن جوئی یو نے زیِکر 7 ایکس گاڑی کو سائیڈ وے ڈرفٹنگ کرتے ہوئے ایک انتہائی تنگ راستے سے گزارا، جس کے دوران گاڑی اور راستے کے درمیان مجموعی طور پر صرف 25 سینٹی میٹر کا فاصلہ باقی رہا۔
یہ ریکارڈ متحدہ عرب امارات کے شہر ابوظبی میں واقع یاس مرینا سرکٹ میں قائم کیا گیا۔
ریکارڈ کی پیمائش کے لیے اس راستے کی چوڑائی میں سے گاڑی کی لمبائی منہا کرکے باقی رہ جانے والے فاصلے کا حساب لگایا گیا۔
کمپنی نے اپنی پانچویں سالگرہ کے موقع پر یہ گینیز ورلڈ ریکارڈ قائم کیا۔