’تم کائنات کے لیے ایک تحفہ ہو‘، اہان پانڈے کا انیت پڈا کے لیے پیغام
انہوں نے مزید لکھا کہ میری دعا ہے کہ کائنات ہمیشہ تمہارے ساتھ اتنی ہی نرمی سے پیش آئے
بالی ووڈ اداکار اہان پانڈے نے اداکارہ انیت پڈا کی سالگرہ پر محبت بھرے پیغام سے مداحوں کی توجہ حاصل کر لی۔
سوشل میڈیا پلیٹ فارم انسٹاگرام پر اہان پانڈے نے انیت پڈا کو سالگرہ کی مبارکباد دیتے ہوئے انہیں کائنات کا انمول تحفہ قرار دیا۔
اداکار نے اپنی پوسٹ میں لکھا کہ انیت، تم کائنات کے لیے ایک تحفہ ہو اور تم جس چیز کو چھوتی ہو وہ ستاروں کی دھول میں تبدیل ہو جاتی ہے۔
اہان پانڈے نے اپنے پیغام کے اختتام پر تین مرتبہ سالگرہ مبارک لکھ کر انیت پڈا کے لیے نیک خواہشات کا اظہار کیا۔