قومی ہاکی چیمپئن شپ جنوری 2027 میں کراچی میں منعقد ہوگی

قومی ہاکی چیمپئن شپ جنوری 2027 میں عبدالستار ایدھی ہاکی اسٹیڈیم کراچی میں منعقد کی جائے گی۔

ایونٹ میں تمام صوبوں اور اہم محکموں کی سرکردہ ہاکی ٹیمیں حصہ لیں گی جن میں پاکستان آرمی، پاکستان کسٹمز، پاکستان پولیس، ماری پیٹرولیم، سوئی ناردرن گیس پائپ لائنز لمیٹڈ اور واپڈا شامل ہیں۔

یہ چیمپئن شپ ہاکی کے شائقین کو ایک شاندار موقع فراہم کرے گی کہ وہ پاکستان کے مایہ ناز قومی ستاروں کو اپنے اپنے محکموں اور صوبوں کی نمائندگی کرتے ہوئے دیکھیں گے۔

توقع ہے کہ اس ایونٹ سے مسابقتی ہاکی کو فروغ ملے گا، محکمہ جاتی کھیلوں کو تقویت ملے گی، اور پاکستان کے قومی کھیل کی بحالی و ترقی میں مدد ملے گی۔